Fréttir

15. maí 2018 11:14

Nína og Sigrún taka við störfum sem útibússtjórar

Nína Guðbjörg Pálsdóttir og Sigrún Sæmundsdóttir munu í byrjun júlí taka við stjórn útibúa Landsbankans á Selfossi annars vegar og í Hamraborg í Kópavogi hins vegar. Báðar hafa þær mikla reynslu af störfum í fjármálaþjónustu.

Nína tekur við starfi útibússtjóra á Selfossi af Gunnlaugi Sveinssyni sem lætur af störfum fyrir aldurs sakir. Nína hefur starfað í Landsbankanum í 31 ár. Frá 2004 til 2010 var hún útibússtjóri á Selfossi en frá 2011 til 2018 var hún forstöðumaður á Einstaklingssviði Landsbankans og síðan sérfræðingur í Áhættustýringu.

Sigrún Sæmundsdóttir tekur við stjórn útibús Landsbankans í Hamraborg af Guðrúnu Ægisdóttur sem mun hefja störf í viðskiptalausnum á Einstaklingssviði bankans. Sigrún hefur rúmlega 20 ára reynslu af bankastörfum. Hún hefur unnið í 15 ár hjá Landsbankanum sem sérfræðingur, deildarstjóri og forstöðumaður, m.a. á Einstaklingssviði. Sigrún lauk námi í iðnrekstrarfræði frá Tækniskóla Íslands árið 1996 og B.Sc. prófi í viðskiptafræði frá Háskólanum í Reykjavík árið 2006.

 

13. júlí 2018 13:48

Ný persónuverndarstefna Landsbankans og réttindagátt

Landsbankinn hefur sett sér nýja persónuverndarstefnu og uppfært almenna viðskiptaskilmála bankans. Í nýrri persónuverndarstefnu Landsbankans eru ítarlegar upplýsingar um hvenær, hvernig og í hvaða tilgangi bankinn vinnur persónuupplýsingar auk þess sem fram kemur hvernig bankinn tryggir öryggi upplýsinganna.


Nánar

13. júlí 2018 12:40

Líf og fjör á fjölskylduskemmtun á Goslokahátíðinni

Fjör og gleði ríkti á fjölskylduskemmtun sem Landsbankinn í Vestmannaeyjum stóð fyrir á Goslokahátíðinni í Eyjum á laugardag. Á torginu fyrir framan útibú bankans við Bárustíg iðaði allt af lífi. Þar skoppuðu krakkar um í hoppukastölum og spreyttu sig í Skólahreysti í hreystibraut sem var sett upp sérstaklega vegna hátíðarinnar.


Nánar

12. júlí 2018 07:49

Hagsjá: Þróun fasteignaviðskipta mjög mismunandi í stærri bæjum

Mikill munur var á þróun fasteignaviðskipta í stærstu bæjum landsins á milli fyrri árshelminga 2013 og 2018. Fjölgun viðskipta hefur verið langmest í Árborg, eða nær þreföldun. Þar á eftir koma Mosfellsbær og Garðabær og síðan Reykjanesbær og Akranes þar á eftir.


Nánar