Verðtryggðu íbúðalánin hjá Landsbankanum eru ýmist með breytilegum vöxtum eða með föstum vöxtum.

Verðtryggð lán með breytilegum vöxtum til lengri tíma henta þeim sem kjósa lægri greiðslubyrði og hægari eignamyndun. Landsbankinn býður einnig verðtryggð íbúðalán á föstum vöxtum í 60 mánuði í senn en slík lán henta vel þeim sem vilja stöðuga greiðslubyrði.

Lánstími getur verið 5 - 40 ár.

Sækja um greiðslumat

Hafðu samband

Verðtryggð íbúðalán með breytilegum vöxtum

• Ekkert umframgreiðslugjald.
• Lánað er fyrir allt að 70% af markaðsvirði eða verðmati eignar en einnig er mögulegt að fjármagna allt að 85% með óverðtryggðu viðbótarláni.
• Ekki er lánað viðbótarlán af þessari tegund útlána, en hægt er að taka viðbótarlán af öðrum tegundum íbúðalána Landsbankans.

Verðtryggð íbúðalán með föstum vöxtum

• Vextir fastir í 60 mánuði í senn.
• Stöðug greiðslubyrði meðan vextir eru fastir.
• Lánað er fyrir allt að 70% af markaðsvirði eða verðmati eignar.
• Ekki er lánað viðbótarlán af þessari tegund útlána, en hægt er að taka viðbótarlán af öðrum tegundum íbúðalána Landsbankans.
• Hægt að festa vexti grunnláns aftur að fastvaxtatímabili loknu.

Greiðslumat og veð

• Lántaki þarf að standast greiðslumat.
• Veðflutningar lána eru heimilir (þar sem við á).
• Gerð er krafa um 1. veðrétt og að fasteign sé í eigu lántaka.

Afborganir

• Lánið getur verið jafngreiðslulán (annuitet) eða með jöfnum afborgunum af höfuðstól.
• Viðbótarlán er með jöfnum afborgunum af höfuðstól.
• Gjalddagar eru mánaðarlega og hægt er að velja greiðsludaginn.

Gjöld

• Lántökugjald, 52500 kr. fyrir hverja lántöku.
• Þinglýsingargjald sem rennur til ríkissjóðs.
• Önnur gjöld samkvæmt verðskrá bankans.
• Eftirfarandi á einungis við um lán með föstum vöxtum:
  • Á fastvaxtatímabilinu er uppgreiðslu- og umframgreiðslugjald samkvæmt verðskrá hverju sinni að hámarki 1%.
  • Heimilt er að greiða umfram inn á lánið allt að einni milljón á almanaksári án uppgreiðsluþóknunar.
  • Við vaxtaendurskoðun (í lok fastvaxtatímabils) er hægt að greiða lánið upp að fullu án uppgreiðslugjalds.
  • Einungis er unnt að festa vexti viðbótarláns í upphafi lánstíma, þegar fastvaxtatímabili viðbótarláns lýkur eru greiddir breytilegir vextir af láninu út lánstímann.

Blandað lán 

• Einnig er hægt að fá blandað íbúðalán og er þá hluti fjárhæðarinnar óverðtryggður og hluti verðtryggður.

Kostur verðtryggðra lána er sá að vextir eru almennt lágir og greiðslubyrði lægri. Verðtryggð lán eru tengd verðbólgu sem þýðir að höfuðstóll lánsins hækkar, sérstaklega í upphafi lánstímans. Það hefur í för með sér hægari eignamyndun. Þótt lánið hækki vegna verðbólgu þýðir það þó ekki endilega verri fjárhagsstöðu því til lengri tíma litið hækkar fasteignaverð yfirleitt í takt við verðbólgu.

Með óverðtryggðum lánum er eignamyndun hraðari. Í upphafi er greiðslubyrði hærri en hún lækkar eftir því sem líður á lánstímann.

Jafnar afborganir

Ef þú velur jafnar afborganir lækkar þú lánið alltaf um sömu upphæð, auk þess sem þú greiðir vexti. Greiðslubyrðin er því hærri í byrjun lánstímans en lækkar með tímanum og verður á endanum lægri en ef jafngreiðslulánið hefði verið valið.

Jafnar greiðslur (annuitet)

Jafnar greiðslur þýða að þú jafnar út það sem þú borgar í hverjum mánuði. Þú borgar lítið inn á höfuðstólinn í fyrstu á meðan vextirnir eru háir, en eftir því sem vextirnir lækka borgar þú meira á höfuðstólinn og lækkar þannig lánið.

Þegar um jafnar afborganir af höfuðstól er að ræða er alltaf greitt jafn mikið af höfuðstól lánsins og leggjast uppsafnaðir vextir við afborgun höfuðstóls. Eignamyndun er jöfn yfir lánstímann.

Jafnar greiðslur fela í sér að hver gjalddagi er jafn hár þeim næsta, að verðbótum undanskildum. Afborgun af höfuðstól er mjög lág til að byrja með og eignamyndun hraðari síðari hluta lánstímans en fyrri hluta hans.